غير مصنف

وارجع بردو من تاني وقلك انتي وحشاني

وارجع برضه من تاني
وقلك انتي وحشاني
وما تضايقيش
كتبت انا فيكي كام كلمه
ودا من غلبي
وزاد الغلب علي غلبي
لأنك بعتي وكسرتي
لأنك رحتي ولا جيتي
وعدتي وقلتي حبيتي
وقلتي في حلمي دا بيتي
مشيتي وغبتي ولا جيتي

وارجع برضه من تاني
وقلك انت وحشاني
وما تضايقيش
كتبت انا فيكي أشعاري
وأخبي في قلبي وبداري
مافيش جوايا غير صورتك
بقطع فيها ومسحها
وكنك وشم علي قلبي
ويصرخ قلبي وبخبي
وأرجع فيكي من تاني
وأكتب ليكي الحاني
ووجع القلب من جوا
ياريتني ما كنت أنا هوا
وياريتني ما كنت حبيتك
ياريتني ما كنت جواكي
ولا كنتي تفارقيني
ياريتني ما كنت من دينك
ما كان دينك يكون ليا
ياريتني ما كنت جيت يومها
وقلت قصيده جوايا
ياريتني ما كنت كلمتك
وقلت انا فيكي كام ايه
وأرجع برضه من تاني
وأقلك انتي وحشاني
وماتضايقيش
صلاة الفجر صليتها
ودعيتلك فيها من قلبي
وقلت الزمب مش زمبي
فاسمحيني
هقطع كل دواويني
وهرجع تاني طفل صغير
واسيب الشعر من تاني
وهمسح كل الحاني
وهمسح حتي تفكري
وقلك شوفي طير غيري
وحبي وسيبي من تاني
لا كنت في يوم انا عنتر
ولا كنتي في يوم عبله
هديتك ساعه انا ودبله
ياريت تنسي وماتفتكريش
ياريت تنسي اني كنت بموت
واخدها كعوب علي رجلي
عشان تتغدي يوم جمبي
وجبلك كل شئ عيزاه
وارجع برضه من تاني
بتفضى جيوبي وياكي
وارجع مشي من تاني
لبيتي ورجلي وجعاني
وكون فرحان عشان فرحك
ياريتني ما كنت جيت جمبك
ولا قلتيلي حبيتك

احمد رضا

اظهر المزيد

مقالات ذات صلة

إغلاق